داهاتووی جیانلویجی دۆنارۆما لەگەڵ پاریس سان جێرمان جێگەی سەرنجیە لە بازاڕی گواستنەوەی ئێستای یاریزانان.
گۆڵپارێزە ئیتاڵییەکە تا ساڵی ٢٠٢٦ گرێبەستی لەگەڵ یانەکەیدا هەیە، بەڵام هێشتا گفتوگۆ لەسەر نوێکردنەوەی یانەکە دەکرێت.
لەناو دانوستانەکاندا، دۆنارۆما لە کۆنگرەیەکی ڕۆژنامەوانیدا ڕۆژی چوارشەممە، خواستی خۆی بۆ بەردەوامبوون لەگەڵ تیپەکە دووپاتکردەوە.
دۆنارۆما ڕوونیشیکردەوە کە ئاگاداری سەردانەکەی بریکارەکەی بۆ ئینتەرمیلان نەبووە، ئاماژەی بەوەشدا کە لە پاریس هەست بە ئاسوودەیی دەکات.
ئاماژەی بەوەشکرد، ئامادەم بۆ هەموو شتێک، بەڵام هەڵبژاردەی یەکەمم ئەوەیە لێرە بمێنمەوە، هاوسەنگیم لەگەڵ تیپەکەدا دۆزیەوە، هاندەران پشتگیری خۆیان پیشانم دەدەن، هیوادارم بۆ چەندین ساڵ بمێنمەوە.
ئاماژەی بەوەشکرد، ئەو ساتەوەختە دەژی و هیوای گەڕانەوەی بۆ ئیتاڵیا لە داهاتوودا هێشتۆتەوە.