تیبۆ کۆرتوای گۆڵپارێزی یانەی ڕیال مەدرید باسی لە ترێنت ئەلێکساندەر ئارنۆڵد کرد و بە یاریزانێکی تایبەت وەسفی کرد.
کۆرتوا ڕایگەیاندووە، “هیچ کاتێک یاریزانێکم نەبینیوە وەک ئەلێکساندەر ئارنۆڵد پاس و لێدانی سزا لێ بدات، ئەو کابوسێکە بۆ من لە مەشقەکاندا”.
ئاماژەی بەوەشکردووە، لێدانەکانی سەرسوڕهێنەرە، لێدانە سزاکانیش لە ئاستێکی دیکەدان، بەدڵنیاییەوە یارمەتیم دەدات باشتر بم لە هەموو رویەکەوە.
هەروەها ئارنۆڵد هاوکاری گۆڵەکەی گۆنزالۆ گارسیای کرد بەرامبەر یۆڤانتۆس لە قۆناخی 16ی مۆندیالدا، کە لۆس بلانکۆسی گەیاندە قۆناغی چارەکی کۆتایی.