دواى تەواوکردنى قۆناغی یەکەمی کارەکانى نۆژەنکردنەوە و قیڕتاوكردنی شەقامی سەرەكی ( هەولێر – بەحركە )، لە شەقامی 100 مەتری تاکو شەقامی 120، لە ئێستادا کارکردن لەقۆناغی دووەمی نۆژەنکردنەوە و قیڕتاوکردنی شەقامەکە، لە شەقامی 120 مەتری تاکو شەقامی 150 مەتری لە سایدی چوون بەردەوامە، کە بە گوژمەی ( 1 ملیار و 645 ملیۆن دینار ) لە سەر بودجەی وەبەرهێنانی وەزارەتی شارەوانی و گەشت و گوزار دەست بە جێبەجێکردنی کراوە و بەو نزیکانە تەواو دەبێت.
ئەو شەقامە، یەکێکە لە شەقامە سەرەكییەكانی هەولێر و ڕۆژانە هاوڵاتییان بەكاری دەهێننن و جووڵە و هاتووچۆی زۆری لەسەر و هەرسێ شەقامی بازنەیی خێراى 100 مەتریی، 120مەتری، 150 مەتریی، بەیەکەوە دەبەستێتەوە.