ڕاپۆرتە ڕۆژنامەوانییەکان دووپاتی کردەوە کە چەند یانەی گەورە لە بازاڕی گواستنەوەی یاریزانان هەوڵیان داوە لە یانەی ڕیال مەدرید بکۆڵنەوە سەبارەت بە ئەگەری گواستنەوەی تچوامینی یاریزانی فەرەنسی لەم هاوینەدا.
بەڵام یانەکە لانیکەم دوو ئۆفەری ڕەتکردووەتەوە و هەڵوێستێکی ڕوونی پاراستووە و دەڵێت: “تچۆامێنی بۆ فرۆشتن نییە”.
واتا ریال مەدرید بە شێوەیەکی روون وتی کە ئەو یاریزانە لە یانەکە دەمێنێتەوە.
خابی ئەلۆنسۆی ڕاهێنەر ئەو یاریزانە بە پایەی سەرەکی پڕۆژە نوێیەکەی دەزانێت، چ لە هێڵی ناوەڕاست و چ لە هێڵی بەرگری ناوەڕاست، ئەمەش وایکرد ئیدارەی یانەی ڕیال مەدرید بە خێرایی بڕیار لەسەر پێگەی خۆی بدات و دەرگا بەڕووی هەر ئۆفەرێکی داهاتوودا دابخات.