وەزارەتی دەرەوەی ئەمریکا، بە فرۆشتنی پێداویستی سەربازی بە ئۆکراینا ڕەزامەندی نیشاندا کە بڕەکەی بە ٨٢٥ ملیۆن دۆلار مەزەندە دەکرێت و، تەقەمەنی و کەرەستەی پشتیوانی لۆجستی لەخۆدەگرێت.
ئاژانسی هاریکاریی ئاسایشی بەرگریی سەربە وەزارەتی بەرگریی ئەمریکا (DSCA)، ڕاگەیاندراوێکی لەبارەی پەسەندکردنی پاکێچی فرۆشتنەکە بڵاوکردەوە.
لە ڕاگەیاندراوەکەدا هاتووە: “وەزارەتی دەرەوە بڕیارێکی دەرکرد بۆ ڕەزامەندی دان لەسەر ئەگەری فرۆشتنی تەقەمەنی و کەرەستەی پەیوەندیدار بە حکوومەتی ئۆکراینا بە مەزەندەی ٨٢٥ ملیۆن دۆلار”.
هەروەها لە ڕاگەیاندراوەکەدا ئاماژە بەوە کراوە ئۆکراینا داوای سێ هەزار و ٣٥٠ تەقەمەنی مووشەکی دوور مەودای (ERAM) و کەرەستەی دیکەی وەک سیستمی گونجاو لەگەڵ ئەو سیستمانە کردووە.
لە ڕاگەیاندراوەکەدا باس لەوە کراوە کە ئاگاداری فەڕمی پێویست پێشکەش بە کۆنگرێسی ئەمریکا کراوە بۆ ئەوەی فرۆشتنەکە ئەنجام بدرێت.
AA