رۆژی یەکشەممە 5ـی تشرینی یەکەمی 2025 لە شاری سلێمانی، یەکێک لە قەڵەمە دیارەکانی خۆی لەدەستدا. شاعیر و نووسەر ئازاد مارف سەعید، لە تەمەنی 57 ساڵیدا کۆچی دوایی کرد.
ئازاد مارف، ئەندامێکی چالاکی لقی سلێمانی یەکێتی نووسەرانی کورد بوو، بە درێژایی ژیانی خزمەتی بە ئەدەب و ڕۆشنبیری کوردی کرد.
بە شاعیرێکی هەڵکەوتوو و یەکێک لە قەڵەمە بەبڕشتەکانی کاروانی ڕۆشنبیری کوردستان دەیناسێنن.
لە پەیامێکی سەرەخۆشیدا، وەزارەتی ڕۆشنبیری و لاوانی حکومەتی هەرێمی کوردستان پرسە و سەرەخۆشیی خۆی ئاراستەی بنەماڵە و کەسوکار و هاوڕێ و دۆستانی کۆچکردوو، و هەروەها یەکێتی نووسەرانی کورد کرد. کۆچی دوایی ئازاد مارف، کەلێنێکی دیار لە گۆڕەپانی ئەدەب و ڕۆشنبیری کوردستاندا دروست دەکات و بۆشاییەکی گەورە جێ دەهێڵێت کە پڕکردنەوەی ئاسان نابێت. یاد و ناوی بە خێر بێت و بەرهەمەکانی چرای ڕێگای ڕۆشنبیران بن.