ئاماژە بەوە دەکات، ئەمساڵ ژمارەیەک پرۆژەی گرنگ و ستراتیژی جێبەجێ دەکرێن و پرۆژەی ڕووناکی کاریگەری هەبووە لەسەر پاکبووەنەوەی ژینگەی هەولێر.
ئومێد خۆشناو، پارێزگاری هەولێر، ئاماژه بهوه دهكات. ئەمساڵ لە سنووری پارێزگای هەولێر ژمارەیەک پرۆژەی گرنگ جێبەجێدەکرێن، وەک: پشتێنەی سەوزایی، ڕێگەی هەولێر_کۆیە، بەشێکی دیکە لە ڕێگەی کۆیە_ گۆمەسپان، تەواوبوونی پرۆژەی ئاوی قوشتەپە، دەستپێکردنی پرۆژەی ئاوی کۆیە، دەستپێکردنی ئاوی خەبات، لەگەڵ ژمارەیەک پرۆژەی دیکەی ستراتیژی و کارکردن لە شەقامی 150مەتری دەستپێدەکاتەوە.
پارێزگاری هەولێر بۆ زاگرۆس، گوتی: ههولێر پێشكهوتنی گهورهی بهخۆوه بینووه و پێشكهوتنی گهورهی ههولێر لهسهرووی پێشبینیهكانهوه بووه ئێستا بوهته ناوهندێكی گرنگی پێشكهوتوو له ناوچهكه، بەراورد بە ساڵی ڕابردوو هەوای هەولێر بەگوێرەی ئەو توێژینەوە زانستییانەی لە زانکۆ سەڵاحەدین و پۆلیتەکنیکی کراون، زۆر پاککبووەتەوە و لە داهاتوویەکی نزیک بە ڕێژەیی بڵاودەکەینەوە، کوژاندنەوەی مۆلیدەکان کاریگەری باشی هەبووە، لەسەر پاکبوونەوەی هەوای هەولێر.
دهشڵێت: “شەقامی شەقڵاوە_ میراوە، لە ڕۆژانی داهاتوو تەواو دەکرێت و چیتر شۆفێران بە نێو شەقڵاوە هاتووچۆ نەکەن.کارکردن لە کارگەی ڕیسایکلینی زبڵ و خاشاک هەولێر بەردەوامە و ژمارەیەک گرفت هەبووە لە بەردەم کارەکانی، بەڵام لە ساڵی 2026، تەواو دەبێت.هیچ پرۆژەیەک نییە، بۆ گواستنەوەی ناوچەی پیشەسازی باکوور، بەڵام ئەگەر شوێنێکی باشتر و بودجەیەکی پێویست لەبەردەست بێت، کاری لەسەر دەکرێت.
دەربارەی قەرەباڵغی شەقامی هەولێر_پیرمام، گوتی: لە نزیک وەزارەتی پێشمەرگە تاوەکوو خانزاد، شەقامەکە فراوانتر دەکرێت و ژمارەیەک بەرزە پردی تێدایە، دیزاینی پرۆژەکە لە قۆناغی کۆتاییدایە، هەروەها لە ئاییندەیەکی نزیکدا ڕێکخستنەوەی شەقامەکە دەستپێدەکاتەوە.