پرۆسەی دەنگدان لە کەرکوک و سەرجەم ناوچەکانی دیکەی عێراق و هەرێمی کوردستان بەردەوامە و داوا لە هاووڵاتیان دەکرێت بەجۆش و خرۆشەوە بەشداری لە پرۆسەکەدا بکەن و نوێنەر بۆ کورد دیاری بکەن.
شاخەوان عەبدوڵا، جێگری سەرۆکی پەرلەمانی عێراق لە کەرکووک لە یەکێک لە بنکەکاندا دەنگیدا و لە میدیاکانەوە داوای لە هاووڵاتیانی کەرکووک کرد بەشداری لە پرۆسەکەدا بکەن و هەرکەس لە دەرەوەی کەرکووکە بگەڕێتەوە شارەکە و دەنگی خۆیان بخەنە پاڵ ئەو بەربژێرانەی کە رۆڵی گرنگیان هەبووە لە پاراستنی مافەکانی گەلی کورد لە عێراق.
گوتیشی: پرۆسەکە لە کەرکووک بە باشی بەرێوە دەچێت و هاووڵاتیان بەشداری دەکەن و هیواخوازن سەرجەم کوردانی دانیشتوی کەرکووک بگەڕێنەوە شارەکە و دەنگ بدەن.
لە پارێزگای کەرکووک ٨٨٩ هەزار و ٠٣٠ دەنگدەر هەیە، ٦١ هەزاریان لە دەنگدانی تایبەتدا دەنگیان داوە و ٣٣٠ بنکە و ٩٥٨.١٤١ وێزگەی دەنگدانیش هەیە و ١٢ کورسی بۆ پەرلەمانی عێراق پێکدەهێنێت کە سێ کورسیان بۆ کۆتای ئافرەتانە و ١ کورسیش بۆ کۆتایی مەسیحییە.