بەرپرسێکی وەزارەتی پەروەردە ئاشكرای دەكات، پشوو کۆتایی دێت و سبەی دەوام دەست پێدەکاتەوە.
سامان سیوەیلی، گوتەبێژی وەزارەتی پەروەردەی حکوومەتی هەرێمی کوردستان، ڕایگەیاند: “سبەی13ی11 دەوام لە ناوەندەکانی خوێندن لە قوتابخانە حکوومی و ناحکوومیەکان دەست پێدەکاتەوە و پشوو کۆتایی دێت.”
ئاماژەی بەوەش دا، بەهۆی ئامادەکاریی هەڵبژاردن لە پێنجشەممەی ڕابردوو6ی11وە پشوو لە ناوەندەکانی خوێندن تاوەکوو سێشەممە بوو، گوتیشی: “ئەمڕۆ لە تەواوی دامودەزگاکان پشووە بۆیە دەوامی قوتابخانەکان سبەی دەست پێدەکاتەوە و پشوو بۆ سبەی لەئارادا نییە.”
دوێنێ بە فەرمانی مەسرور بارزانی، سەرۆکی حکوومەتی هەرێمی کوردستان، ڕاگەیاندرا ئەمڕۆ چوارشەممە، لە سەرجەم دامودەزگا فەرمییەکانی هەرێمی کوردستان پشووی فەرمییە.