سەرچاوەیەک دەڵێت، سوودانی، سەرۆک وەزیرانی عێراق، خۆی ئامادە دەکات بۆ سەردانیکردنی پارێزگای بەسرە لە سبەینێ پێنجشەممەدا، ئەمەش لە چوارچێوەی گەشتێکی فەرمییدا بۆ بەدواداچوونی پڕۆژە ئابووری و گەشەپێدانەکانی پارێزگاکە.
سەرچاوەکە بە شەفەق نیوزی راگەیاند: “سەردانەکەی سوودانی کردنەوەی پڕۆژەی رێگەی بەستنەوەی نێوان بەندەری فاو و رێگەی نێودەوڵەتی سەفوان لەخۆدەگرێت، کە بە تونێلی ژێرئاویدا تێدەپەڕێت بە درێژایی 63 کیلۆمەتر و ئەمەش یەکەمین بەشی پڕۆژەی رێگای گەشەپێدانە.”
سەرچاوەکه گوتیشی: “ئەم هەنگاوە لە چوارچێوەی هەوڵەکانی حکومەتدایە بۆ خێراکردنی پڕۆسەی گەشەپێدان لە بەسرە و بەستنەوەی بەندەرە سەرەکییەکان بە ناوچەکانی ناوەوە، بەشێوەیەک کە بەشداری بکات لە پشتگیریکردنی چالاکییە ئابوورییەکان و باشترکردنی خزمەتگوزارییە لۆجستییەکان.”
لە نیسانی ساڵی 2024، عێراق و تورکیا و ئیمارات و قەتەر رێککەوتننامەیەکی چوارلایەنەیان بۆ پڕۆژەی رێگەی گەشەپێدانی عێراق واژۆ کرد، کە لەژێر چاودێری سوودانی و ئەردۆغان.
ئەم پڕۆژەیە، کە ڕێگەیەکی وشکانی و هێڵێکی شەمەندەفەر بە درێژایی 1,200 کیلۆمەتر لەناو عێراق لەخۆدەگرێت، ئامانجی پتەوکردنی یەکگرتنی ئابووری نێوان رۆژهەڵات و رۆژئاوا، زیادکردنی بازرگانی نێودەوڵەتی و ئاسانکاری بۆ جووڵەی کاڵاکانە.
بوودجەی وەبەرهێنانی پڕۆژەکە نزیکەی $17 ملیار دۆلاره کە دابەش بووە بۆ $6.5 ملیار بۆ رێگەی خێرا و $10.5 ملیار بۆ هێڵی شەمەندەفەری کارەبایی و بە سێ قۆناغ جێبەجێ دەکرێت کە لە ساڵانی 2028 و 2033 و 2050 کۆتاییان دێت.