دوای ئەوەی دوێنێ کیلیان مباپێ ئەستێرەی یانەی ڕیاڵ مەدرید لە ڕاهێنانەکانی تیپەکە نەبینرا و هەواڵی تووش بوونی بە پێکان بڵاو کرایەوە،کە دەگوترا بەشداری کردنی لە یاری بەرامبەر مان سیتی ئەستەمە ئەمڕۆ چابی ئەڵۆنسۆی ڕاهێنەر بابەتەکەی یەکلایی کردەوە.
دوای بڵاو کردنەوەی لیستی یاریزانە بانگهێشت کراوەکانی ڕیاڵ مەدرید بۆ یاری مان سیتی ناوی کیلیان مباپێ بینرا و بەم شێوەیەش یاریزانەکە بۆ ئەو یاریە ئامادەیە،کە ئەمەش دەبێتە پاڵنەرێکی گەورە بۆ ڕیاڵ مەدرید تاکو سەرکەوتن بەدەست بێنـێـت.
ئەوەی تاکو ئێستا مشتومڕی زۆری دروست کردوە یاری کردنی مباپێیە وەکو سەرەکی یاخود یەدەگ،کە ڕای زۆربەی شارەزایان بۆ ئەوە دەچن،کە مباپێ وەکو یاریزانی یەدەگ بەشداری دەکات لە چەند خولەکێکی یاریەکە.
“سەرکار ڕێبوار”