بەڕێوەبەرایەتیی گشتیی ڕۆشنبیری و هونەری هەولێر، کۆچی دوایی شاعیر بەشدار سامی ڕاگەیاند و سەرەخۆشی لە خانەوادەکەی دەکات.
ئەمڕۆ دووشەممە، بەڕێوەبەرایەتیی گشتیی ڕۆشنبیری و هونەری هەولێر لە ڕاگەیێندراوێکدا، هەواڵی کۆچی دوایی شاعیر بەشدار سامی بڵاوکردەوە.
بەڕێوەبەرایەتییەکە وێڕای دەربڕینی داخ و پەژارەی خۆی بۆ کۆچی دوایی ئەو شاعیرە جوانەمەرگە، پرسە و سەرەخۆشیی ئاراستەی خانەوادە، دۆست و هاوڕێیانی کردووە و هیوای خواستووە ڕووحی شاد بێت و جێگەی بەهەشتی بەرین بێت.
بەشدار سامی، یەکێک بوو لە دەنگە نوێیەکانی شیعر لە شاری هەولێر و خاوەنەی چەند بەرهەمێکە.