لە درێژەی یارییەکانی هەفتەی 32ی خولی ئینگلتەرا، یانەی ئارسناڵ لە نێو یاریگای خۆیدا میوانداری ئەستۆن ڤێلای کرد.
لە ئەنجامدا یانەی ئەستۆن ڤێلا ئارسناڵی تووشی شوککرد و یارییەکەی بە دوو گۆڵی بێبەرامبەر لێی بردەوە.
لە گێمی یەکەمی یارییەکە تۆپ هاوێژەکانی لەندەن باشتر بینران چەندین هێرشیان کردە سەر گۆڵی بەرامبەر، بەڵام نەیانتوانی هەلەکان بقۆزنەوە و ئەو گێمە بەبێ گۆڵ مایەوە.
لە دووەم گێمدا ئەستۆن ڤێلا باشتر دەرکەوت و ئاستی بەرزیان پێشکەشکرد، هەردوو یانە چەندین هێرشیان کردە سەر گۆڵی یەکتر تاکو لە خولەکەکانی 84 و 87 ئەستۆن ڤێلا دوو گۆڵی لە رێگەی یاریزانان بایلی و واتکینسەوە تۆمارکرد و یارییەکەش بەو دوو گۆڵە کۆتایی پێهات.
بەم ئەنجامەش ئارسناڵ خاڵەکانی لە 71 خاڵ مانەوە و لە پلەی دووەم دێت، ئەستۆن ڤێلاش خاڵەکانی بوون بە 63 خاڵ و پلەی چوارەمی ڕیزبەندی گرتووە.