فیلمی سینەمایی “Avatar: Fire and Ash” کە لە بەرهەمهێنانی کۆمپانیای سەدەی بیستەمە، بەردەوامە لە درەوشانەوە لەسەر شاشەی سینەماکانی جیهان.
داهاتی فیلمەکە گەیشتە یەک ملیار و ٣٣٣ ملیۆن و ٣٧ هەزار دۆلار. ئەم بڕە دابەش بووە بەسەر ٣٧٣ ملیۆن دۆلار لەناوخۆی ئەمریکا و ٩٥٩ ملیۆن دۆلار لە بازاڕەکانی جیهاندا.
فیلمەکە کە ماوەکەی ٣ کاتژمێر و ١٧ خولەکە، لە دەرهێنانی جەیمس کامیرۆنە و لە ١٩ی کانوونی یەکەمی ساڵی ڕابردووەوە نمایش دەکرێت.
چیرۆکی ئەم بەشە باس لە ڕووبەڕووبوونەوەی خێزانی “جاک و نێیتیری” دەکات لەگەڵ هۆزێکی نوێی “ناڤی” بە ناوی “شەعبی ڕەماد” (خەڵکی خۆڵەمێش) بە سەرۆکایەتی ڤارانجی ئاگرین.
فیلمەکە کۆمەڵێک ئەکتەری ناودار وەک سام وۆرسینگتۆن، کەیت وینسلێت و زۆی سالدانا بەشدارن تێیدا. تەنها لە شەوی سەری ساڵدا، فیلمەکە ٢٣.٧ ملیۆن دۆلاری کۆکردەوە، ئەمەش دەریدەخات کە زنجیرە فیلمەکانی ئاڤاتار هێشتا یەکێکن لە پڕداهاتترین بەرهەمەکانی مێژوو.