کۆمپانیای Open AI لە ماوەی دواییدا ڕووبەڕووی ڕەخنەیەکی توند بووەوە، دوای بڕیاری گرێبەستکردن و کارکردن لەگەڵ وەزارەتی بەرگری ئەمریکا (پێنتاگۆن). ئەم بڕیارە نارەزایەتی لە ناو بەشێک لە کارمەند و بەکارهێنەران دروستکرد. هەروەها کۆمپانیای ڕکابەر Anthropic پەرەپێدەری Claude ڕایگەیاند کە ئامادە نییە یاساکانی سەلامەتی خۆی بۆ ئەم جۆرە هاوکارییە بشکێنێت.
بەپێی هەندێک ڕاپۆرت لەئێستادا نزیکەی ١.٥ ملیۆن بەکارهێنەر لە پلاتفۆرمەکانی OpenAI جێهێشتووە هەر لەبەر ئەم هۆکارە کۆمپانیاکا مۆدێلێکی نوێی GPT-5.4 ڕاگەیاندووە.
گرنگترین تایبەتمەندی ئەم مۆدێلە توانای بەکارهێنانی ڕاستەوخۆی کۆمپیوتەرە کە دەتوانێت بە شێوەیەکی ئۆتۆماتیکی ئەپ و بەرنامەکان بکاتەوە و بە ماوس و کیبۆرد کارەکان جێبەجێ بکات. هەروەها مۆدێلەکە پلەی یەکەمی لە تاقیکردنەوەکانی OSWorld-Verified و WebArena-Verified بەدەستهێناوە.