کاتی لیۆنگ، خانمە ئەکتەری سکۆتلەندی کە بە ڕۆڵی “چۆ چانگ” لە زنجیرە فیلمەکانی هاری پۆتەردا ناسرا، ئاشکرای کرد کە ئارەزووی گەڕانەوە بۆ ئەو سەردەمە ناکات.
لیۆنگ لە چاوپێکەوتنێکدا باسی لەوە کرد کە لە کاتی وێنەگرتنی ئەو فیلمانەدا زۆر گەنج بووە و بە ئاسانی لەژێر کاریگەری قسەی خەڵکدا بووە، چونکە هێشتا ناسنامەی خۆی نەدۆزیوەتەوە.
ئاماژەی بەوەش کرد کە ئێستا لە زنجیرەی “Bridgerton” ئەزموونێکی ئەرێنیتر دەژی و زیاتر جەخت لەسەر کارەکەی دەکاتەوە.
لیۆنگ پێشتر باسی لەوە کردبوو کە لە کاتی هاری پۆتەردا ڕووبەڕووی سووکایەتی ڕەگەزپەرستی بووەتەوە، ئەمەش کاریگەری دەروونی قووڵی لەسەر جێهێشتووە.
ئەو دەڵێت: “ناخوازم بگەڕێمەوە بۆ ئەو کاتە، نەک لەبەر ئەوەی ئەزموونێکی خراپ بوو، بەڵکو لەبەر ئەوەی مرۆڤ کاتێک خۆی دەناسێت، هەست بە ئارامییەکی زیاتر دەکات”. لە ئێستادا هۆڵیوود ئامادەکاری دەکات بۆ وەشانی نوێی هاری پۆتەر وەک زنجیرەیەکی تەلەفزیۆنی بە ئەکتەری نوێوە.