سام لیڤینسن، ئەکتەر و بەرهەمهێنەری ئەمریکی و دروستکەری زنجیرەی ناوداری “Euphoria”، هاوکارییەکی هونەری نوێی لەگەڵ براندی “Balenciaga” لە هەفتەی مۆدەی پاریس ڕاگەیاند.
ئەم هاوکارییە تەنیا دیمەن نەبوو، بەڵکو دیمەنی نوێی وەرزی سێیەمی زنجیرەکەی تێدا نمایش کرا کە بڕیارە لە 12ـی نیسانی 2026 پەخش بکرێت.
لیڤینسن ئاماژەی بەوە کرد، وەرزی نوێ پێنج ساڵ دەچێتە ناو داهاتوو و کارەکتەرەکان گەورەتر و قووڵتر دەبن. زەندایا، سیدنی سوینی و جەیکوب ئێلۆردی دووبارە دەگەڕێنەوە بۆ ڕۆڵەکانیان.
لیڤینسن گوتی، هاوکارییەکەی لەگەڵ دیزاینەر پێرپاۆلۆ پیچۆلی لەبەر ئەوە بووە کە هەردووکیان زمانێکی بینراوی هاوبەشیان هەیە لە گێڕانەوەی چیرۆکی مرۆڤەکاندا.
ئەم هەنگاوە وەک بانگەشەیەکی گەورە بوو بۆ زنجیرەکە کە بۆ ماوەی چوار ساڵ لە شاشەکان دوورکەوتبووەوە.
هەواداران بە پەرۆشەوە چاوەڕێی وەرزی نوێ دەکەن کە باس لە قۆناغێکی جیاوازی ژیانی کارەکتەرەکان دەکات دوای تەواوبوونی قۆناغی خوێندن.