فیلمی “Avatar: Fire and Ash” لە دەرهێنانی جەیمس کامیرۆن، سەرکەوتنێکی بێوێنەی لە بۆکس ئۆفیسی جیهانیدا بەدەستهێنا و داهاتەکەی گەیشتە یەک ملیار و 485 ملیۆن دۆلار.
فیلمەکە کە ماوەکەی 3 کاتژمێر و 17 خولەکە، تەنیا لە ئەمریکا زیاتر لە 403 ملیۆن دۆلاری کۆکردووەتەوە.
چیرۆکی ئەم بەشە باس لە خێزانەکەی “جایک و نێتێری” دەکات کاتێک ڕووبەڕووی خەم دەبنەوە و لەگەڵ هۆزێکی نوێی “ناڤی” ئاشنا دەبن کە بە “گەلی خۆڵەمێش” ناسراون و لەلایەن “ڤارانگی ئاگرین”ەوە سەرکردایەتی دەکرێن.
ململانێکان لەسەر هەسارەی پاندۆرا گەیشتوونەتە لوتکە و ڕەهەندی ئەخلاقی نوێ دەردەکەون.
فیلمەکە لە بەرهەمهێنانی کۆمپانیای (20th Century)یە و تێیدا ئەکتەرانی وەک سام وۆرسینگتۆن، زۆوی سالدانا و کەیت وینسڵێت ڕۆڵ دەبینن.
ئەم داهاتە گەورەیە دووپاتی دەکاتەوە کە زنجیرە فیلمی ئاڤاتار هێشتا یەکێکە لە پڕبینەرترین بەرهەمەکانی مێژووی سینەما.