وەزارەتی کارەبای عێراق ئەمڕۆ ڕایگەیاند کە پڕۆسەی هەناردەی غازی ئێرانی بە شێوەیەکی پلەبەندی دەستی پێکردووەتەوە.
ئەحمەد مووسا، وتەبێژی وەزارەت، ڕایگەیاند: “ئەمڕۆ ناردنی غازی ئێرانی بۆ عێراق بە بڕی پێنج ملیۆن مەتر سێجا دەستی پێکردووەتەوە،” ئاماژەی بەوەش کرد کە ئەم بڕە بە شێوەیەکی پلەبەندی زیاد دەکات بۆ بەهێزکردنی سیستەمی وزەی نیشتمانی و زیادکردنی توانای وێستگەکانی بەرهەمهێنان.
مووسا گوتی: وێستگەکانی کارەبا پێشتر کاریگەر ببوون بەهۆی ڕاوەستانی کاتیی ناردنی غازی ئێرانی، ئەمەش دوای ئەوەی کێڵگەی “پارس”ی ئێرانی ڕووبەڕووی بۆردومان بووەوە.
راشیگەیاند: وەزارەت لە ماوەی ڕابردوودا پەنای بردووەتە بەر غازی ناوخۆیی و هەماهەنگی لەگەڵ وەزارەتی نەوت کردووە بۆ دابینکردنی سووتەمەنی “گازوایل” بۆ هەندێک لە وێستگەکان، تاوەکو کارەبا نەیەتەوە خوارەوە.
روونی کردەوە: دوای دەستپێکردنەوەی ناردنی غازی ئێران، سیستەمی نیشتمانیی کارەبا جێگیریی بەخۆوە بینیوە و بەرهەمهێنان گەیشتووەتە ١٤ هەزار مێگاوات.
گوتی: پلانی وەزارەت بەردەوامە و خشتەیەکی زەمەنییان داناوە بۆ ئەوەی پێش وەرزی هاوین بە تەواوی ئامادە بن.
وتەبێژەی وەزارەتی کارەبای عێراق جەختی کردەوە کە دۆخی کارەبا جێگیرە و جێگرەوەکان ئامادەن، هەروەها ژوورێکی کردە وێنەیی بەردەوام لە وەزارەت چاودێریی سیستەمەکە و هێڵەکانی گواستنەوە دەکات بۆ پاراستنی کاتژمێرەکانی پێدانی کارەبا.
