وەزارەتی دەرەوەی ئێران: هیچ گفتوگۆیەكمان لەگەڵ ئەمەریكادا نەبووە، لێدوانەكانی ترەمپ تەنیا بۆ دابەزاندنی نرخی نەوت و داڕشتنی پلانی سەربازییە.
به‌پێی كه‌ناڵى (سی ئێن ئێن)، دوابەدوای لێدوانەکانی ترەمپ، ئێران هەر جۆرە دانوستانێکی نێوان تاران و واشنتۆن ڕەتدەکاتەوە.
چەند دەزگایەکی ڕاگەیاندنی دەوڵەتی ئێران بە پشتبەستن بە وەزارەتی دەرەوە، بڵاویان كرده‌وه‌دا کە ئێران هەر جۆرە گفتوگۆیەکی لەگەڵ واشنتۆن ڕەتکردووه‌ته‌وه و لێدوانه‌كانى دۆناڵد ترەمپ، سه‌رۆكى ئه‌مه‌ریكای وەک هەوڵێک بۆ دابەزاندنی نرخی وزە و کڕینی کات بۆ جێبەجێکردنی پلانە سەربازییەکان ده‌زانێت.
وه‌زاره‌تى ده‌ره‌وه‌ى ئێران، ڕایگه‌یاند: “ده‌ستپێشخه‌رى له لایه‌ن وڵاتانی ناوچه‌كه‌وه بۆ كه‌مكردنه‌وه‌ى گرژییه‌كان هه‌یه”.
هه‌روه‌ها هاتووه: “وەڵامی ئێمە بۆ هەموو ئەم دەستپێشخەرییانە ڕوونە: ئێمە ئەو لایەنە نین کە ئەم شەڕەمان دەستپێکردووە و پێویستە هەموو ئەم داواکاریانە ئاراستەی واشنتۆن بکرێت”.
لە چوارچێوەیەکی پەیوەندیداردا، دیپلۆماتکارێکی قەتەری بۆ سی ئێن ئێن پشتڕاستیان کردەوە کە قەتەر دەستی لە هیچ هەوڵێکی نێوەندگیری نێوان تاران و واشنتۆندا، نییە.