بەڕێوەبەرایەتی کەشناسی و بوومەلەرزەزانی هەرێم ڕایگەیاند کە ئەمڕۆ یەکشەممە ٢٦-٤-٢٠٢٦ ئاسمانی پارێزگای هەولێر لە ساماڵەوە دەگۆڕێت بۆ نیمچە هەور و لە دوای نیوەڕۆ لە ناوچە شاخاوییەکان بەتایبەت لە سنووری سۆران ئەگەری باران و هەورە تریشقە هەیە. لە پارێزگای سلێمانی و ئیدارەی گەرمیانیش لە دوای نیوەڕۆ هەور زیاد دەکات و ئەگەری چەند تاوە بارانێکی بەهاری و هەورە تریشقە لە ناوچە جیاجیاکان هەیە.
پلەکانی گەرمای ئەمڕۆ بەم شێوەیە دەبن: هەولێر ٢٨ پلە، سلێمانی ٢٥ پلە، دهۆک ٢٦ پلە، هەڵەبجە ٢٨ پلە، کەرکووک ٢٩ پلە، پیرمام و سۆران ٢٣ پلە، زاخۆ ٢٦ پلە و حاجی ئۆمەران ١٧ پلەی سیلیزی.
هەروەها لە سنووری پارێزگای دهۆک و ئیدارەی زاخۆ پێش نیوەڕۆ ئاسمان نیمچە هەور دەبێت و لە نیوەڕۆوە دەگۆڕێت بۆ هەوری تەواو، بەتایبەت لە ناوچە سنوورییەکانی باکووری ڕۆژئاوا و ناوچە شاخاوییە بەرزەکان ئەگەری باران بارین هەیە و ئەم کاریگەرییە تا ئێوارە بەردەوام دەبێت.
لە پارێزگای هەڵەبجەش لەسەر بەشێک لە ناوچە شاخاوییە بەرزەکان ئەگەری گەواڵە بارانی کورتخایەن هەیە و لە کەرکووکیش ئاسمان دەبێتە نیمچە هەور.
هەروەها بۆ سبەی دووشەممە ٢٧-٤-٢٠٢٦ پێشبینی دەکرێت لە درەنگی شەوی یەکشەممەوە تا کاتەکانی بەرەبەیان شەپۆلێکی باران و هەورە تریشقە ناوچەکانی پیرمام، شەقڵاوە، هەریر، سۆران، کۆیە، تەقتەق، ڕاپەڕین، کەرکووک و گەرمیان بگرێتەوە.
پلەکانی گەرمای سبەی بەرز دەبنەوە و بەم شێوەیە دەبن: هەولێر ٢٨ پلە، سلێمانی ٢٦ پلە، دهۆک ٢٧ پلە، زاخۆ ٢٧ پلە، هەڵەبجە ٢٨ پلە و گەرمیان ٢٩ پلەی سیلیزی.