یانەی ئامەد سپۆری کوردان لە خولی پلەیەکی تورکیا هەنگاو هەنگاو نزیک دەبێتەوە لە نووسینەوەی مێژووێکی پڕشنگدار،یانەکە ئێستا لە پلەی دووەمی خولی پلەیەکی تورکیایە و تەنها یەک بردنەوەی دیکە دەیگەیەنێتە خولی سوپەری ئەو وڵاتە.
ئێستا یانەی ئامەد سپۆر خاوەنی 73 خاڵە لە ڕێککەوتی 2ی مانگی 5 دەبێتە میوانی یانەی ئیدیر سپۆر،لەکاتی بردنەوەی ئەو یاریەدا ڕاستەوخۆ بە پلەی دووەم سەردەکەوێت بۆ سوپەری تورکیا،بەڵام لەکاتی بەرامبەر بوون یان شکست دەبێ چاوەڕێی ئەنجامی تیپەکانی خوارەوەی خۆی بکات،ئەمەش بەهۆی نزیکی خاڵەکانیان.
یانەی ئامەد سپۆر لەساڵی 1972 دامەزراوە و بەیانەی کوردان ناسراوە،کە ئەم بابەتەش لە هەندێک کاتدا بۆتە کێشە بۆ یانەکە،بەڵام ئێستا لەبەردەم شاکارێکی گەورە خۆی دەبینێتەوە.
“سەرکار ڕێبوار”