شاری مەکسیکۆ سیتی بە ڕادەیەک خەریکە نوقم دەبێت کە لە بۆشاییی ئاسمانیشەوە دەبینرێت. وێنەکانی سیستەمێکی ڕاداری پێشکەوتووی ناسا نیشانی دەدەن کە شارەکە مانگانە زیاتر لە نیو ئینج ڕۆدهچێت، ئەمەش وای کردووە مەکسیکۆ سیتی ببێتە یەکێک لەو پایتەختانەی جیهان کە بە خێراترین شێوە نوقم دەبن.
ئەم پایتەختە زەبەلاحە، کە یەکێکە لە گەورەترین شارەکانی جیهان، لەسەر دەریاچەیەکی بەرز و کانییەکی ئاوی ژێر زەویی دێرین هەڵکەوتووە، کە نزیکەی ٦٠٪ی ئاوی خواردنەوە بۆ ٢٢ ملیۆن دانیشتوو دابین دەکات.
“مەکسیکۆ سیتی خاڵێکی ناسراوە لە ڕۆچوونی زەویدا، و ئەم وێنانەش تەنها سەرەتایە بۆ کارەکانی NISAR.”
تێپەڕبوونی کات و زیادەڕۆیی لە کێشانەوەی ئاو بووەتە هۆی ئەوەی خاکەکە توانای خۆی لەدەست بدات و بەرەو خوارەوە دابچێت. ئەمەش کاریگەریی قورسی هەبووە لەسەر شەقامەکان، باڵەخانەکان و تەنانەت سیستەمی شەمەندەفەری شارەکە.
وێنە نوێیەکانی مانگی دەستکردی NISAR، کە پڕۆژەیەکی هاوبەشی نێوان “ناسا” و هیندستانە، نیشانی دەدەن کە هەندێک ناوچەی شارەکە ساڵانە زیاتر لە ٩.٥ ئینج ڕۆدهچن. یەکێک لەو ناوچانە فڕۆکەخانەی نێودەوڵەتی بێنیتۆ خوارێزە.
پەیکەری فریشتەی سەربەخۆیی، کە یەکێکە لە نیشانە ناسراوەکانی شارەکە، نموونەیەکی بەرچاوە؛ لە کاتی دروستبوونییەوە لە ساڵی ١٩١٠ تا ئێستا، ناچار بوون ١٤ پلەی تری بۆ زیاد بکەن بۆ ئەوەی بگاتەوە بەو زەوییەی کە خەریکە ڕۆدهچێت.
CNN