بەڕێوەبەرایەتیی نەوت و کانزاکانی هەولێر ئاگادارییەک ئاراستەی ئەو هاووڵاتیانە دەکات کە فۆرمی کارتی ئەلیکترۆنیی سووتەمەنییان پڕکردووەتەوە (مادەی ١٤٠ و هاوسەرگیریی نوێ) و ڕایدەگەیێنێت، لە ڕۆژی یەکشەممەوە دەست بە دابەشکردنەوەی کارتەکان دەکرێت.
بەپێی ڕاگەیەندراوێکی بەڕێوەبەرایەتیی نەوت و کانزاکانی هەولێر، پرۆسەی دابەشکردنی کارتەکان لە ڕۆژی یەکشەممە، ١٠-٥-٢٠٢٦ دەستپێدەکات و بۆ ڕێگریکردن لە قەرەباڵخی، دابەشکردنەکە بەپێی پیت و بنکەکانی خۆراک دەبێت.
بۆ هاووڵاتیانی مادەی ١٤٠:
تەنیا ئەو هاووڵاتیانەی ناوی سەرۆک خێزانەکانیان بەم پیتانە دەستپێدەکات، دەتوانن سەردانی بەڕێوەبەرایەتییەکە بکەن:
(أ – ب – پ – ت – ث – ج – چ – ذ – د – خ – ح – ر – ز – ژ – س – ش – ص).
تێبینی: پێویستە هاووڵاتی فۆرمی خۆراکی ڕەسەن (اصلی) و فۆتۆکۆپیی لەگەڵ خۆی ببات.
بۆ ئەو کەسانەی هاوسەرگیرییان کردووە (جیاکردنەوەی فۆرم):
تەنیا ئەو هاووڵاتیانەی ناویان لەم بنکانەی خوارەوە هەیە، سەردانی بەڕێوەبەرایەتییەکە بکەن:
بنکەکانی (201، 202، 203، 204، 205، 206، 207).
پێداویستییەکان بۆ هاوسەرگیریی نوێ:
١- فۆرمی خۆراکی ڕەسەن (اصلی) و فۆتۆکۆپیی ماڵی باوکی.
٢- فۆتۆکۆپیی کارتی نیشتمانیی خۆی.
بەڕێوەبەرایەتیی نەوت و کانزاکانی هەولێر جەخت دەکاتەوە، هەر هاووڵاتییەک ناوی لەو پیتانەدا نەبێت یان لەو بنکانە نەبێت کە دیاریکراون، سەردانیان نەکات چونکە کارتەکەی پێنادرێتەوە، و لە ڕۆژانی داهاتوودا بەپێی خشتەی نوێ ناوی پیت و بنکەکانی دیکە ڕادەگەیێندرێت.