بەگوێرەی ڕاپرسییەکی ئاژانسی هەواڵی ڕۆیتەرز و دامەزراوەی ئیپسۆس، لە هەر سێ ئەمریکایی دوو کەس لەو بڕوایەدان دۆناڵد ترەمپ ئامانجەکانی جەنگی بەرانبەر ئێران بە ڕوونی ڕوون نەکردووەتەوە.
لەم ڕاپرسییەدا ئەنجامەکانی ڕۆژی دووشەممە ١١ی ئایار بڵاو کرانەوە، نزیکەی ٦٦٪ی بەشداربووان گوتیان سەرۆکی ئەمریکا ئامانجەکانی دەستوەردانی سەربازیی ویلایەتە یەکگرتووەکانی لە ئێراندا بە ڕوونی باس نەکردووە. هەروەها ٦٣٪ گوتیان بەرزبوونەوەی تێچووی وزە گوشاری بۆ سەر باری دارایی خێزانەکانیان دروست کردووە؛ ئەم ڕێژەیە لە ڕاپرسییەکی دیکەی ناوەڕاستی مانگی ئازاردا ٥٥٪ بوو.
جەنگی ئەمریکا و ئیسرائیل بەرانبەر کۆماری ئیسلامی شوباتی ساڵی ڕابردوو دەستی پێ کرد، نرخی بەنزینی لە ویلایەتە یەکگرتووەکاندا نزیکەی ٥٠٪ زیاد کردووە. ناڕەزایەتی بەرانبەر بەرزیی نرخی بەنزین دەکرێ بۆ کۆمارییەکان لە هەڵبژاردنی کۆنگرێس لە مانگی تشرینی دووەمدا کێشە دروست بکات. بەپێی ڕاپرسییەکە، ٦٥٪ی دەنگدەران کۆمارییەکان بە بەرپرسیار لە زیادبوونی نرخەکان دەزانن، لە کاتێکدا ٢٧٪ دیموکراتەکان بە تاوانبار دەزانن.
لەگەڵ ئەوەشدا، لە ڕاپرسییەکەی ڕۆیتەرز و ئیپسۆسدا ٣٦٪ی ئەمریکایییەکان پشتگیریی کارەکانی ترەمپ دەکەن، ئەمەش بەراورد بە مانگی ڕابردوو کەمێک زیادی کردووە. ئەم ڕێژەیە لە کۆتایی نیساندا گەیشتبووە نزمترین ئاستی خولی ئێستای سەرۆکایەتیی ترەمپ کە ٣٤٪ بوو.
بە گوتەی ڕۆیتەرز، ئەم ڕاپرسییە بە شێوەی ئۆنلاین و بە بەشداریی ١٢٥٤ کەسی پێگەیشتوو لە سەرانسەری ئەمریکادا ئەنجام دراوە و ڕێژەی هەڵە تێیدا ٣٪ بووە.
هەواڵی پێشوو