فەرمانگەی ڕاگەیاندنی پەرلەمانی عێراق کارنامەی دانیشتنی داهاتووی بڵاوکردەوە و بڕیارە سبەی پێنجشەممە، پەرلەمان بۆ متمانەدان بە کابینەی نوێی حکومەت بە سەرۆکایەتی عەلی زەیدی کۆببێتەوە.
بەگوێرەی کارنامەی بڵاوکراوەی پەرلەمان، کە وێنەیەکی دەست ئاژانسی هەوالی زاگرۆس کەوتووە، دانیشتنەکە تایبەت دەبێت بە خستنەڕووی کارنامەی وزاری و دەنگدان لەسەر کاندیدانی کابینەی نوێی حکومەتی عێراق بە سەرۆکایەتی عەلی زەیدی.
کۆبوونەوەکەی سبەی پەرلەمان لە کاتێکدایە، لە چەند رۆژی ڕابردوودا گفتوگۆیەکی چڕ لەنێوان لایەنە سیاسییەکاندا هەبووە بۆ تێپەڕاندنی کابینە وەزارییەکە و گەیشتن بە ڕێککەوتنی کۆتایی لەسەر دابەشکردنی پۆستەکان.
بڕیارە دانیشتنەکە سبەی پێنجشەممە لە تەلاری پەرلەمان لە بەغدا بەڕێوەبچێت و تێیدا چارەنووسی حکومەتی نوێی عێراق یەکلایی بکرێتەوە.
