ئەمریکا و ئێران لە واژۆکردنی یاداشتنامەیەکی لێکتێگەیشتن نزیکن بۆ ماوەی 60 ڕۆژ کە تێیدا ئاگربەست ڕادەگەیەنرێت و گەرووی هورمز دەکرێتەوە بۆ هەناردەکردنی ئازادی نەوت.
ئەمریکا گەمارۆی سەر بەندەرەکانی ئێران لادەبات لەبەرامبەر پاککردنەوەی دەریا لە مین لەلایەن ئێرانەوە. هەروەها تاران بەڵێنی زارەکی داوە بۆ ڕاگرتنی پیتاندنی یۆرانیۆم، بەڵام ئازادکردنی پارە بلۆککراوەکان بەندە بە ڕێککەوتنی کۆتایی.
هێزەکانی ئەمریکا لە شوێنی خۆیان دەمێننەوە. شەڕی نێوان ئیسرائیل و حیزبوڵڵاش ڕادەگیرێت، بەڵام ئیسرائیل مافی وەڵامدانەوەی دەبێت ئەگەر هێرش بکرێتە سەری؛ ناتەنیاهۆش نیگەرانیی خۆی بە ترەمپ ڕاگەیاندووە.
جێی باسە، پاکستان و چەند وڵاتێکی عەرەبی ڕۆڵی نێوەندگیرییان بینیوە و چاوەڕوان دەکرێت لە کاتژمێرەکانی داهاتوودا ڕێککەوتنەکە ڕابگەیەنرێت، بە مەرجێک ئێران لە دانوستانەکاندا جدی بێت.