شارەوانیی فەیدیێ ڕوونکردنەوەیەکی لەبارەی پرۆسەی تاپۆکردن و ڕادەستکردنی نەخشەی ئەو زەوییانە بڵاودەکاتەوە کە بەمدواییانە دابەشکراون.
محەمەد ڕەمەزان، سەرۆکی شارەوانیی فەیدیێ، ڕایگەیاند کە ئەو هاووڵاتییانەی پێش دوو ڕۆژ لە ناوچەی بازەلان پارچە زەوییان پێدراوە، بۆ ڕاییکردنی ڕێکارەکانی تاپۆکردن، لایەنی پەیوەندیدار خۆیان پەیوەندییان پێوە دەکەن.
سەرۆکی شارەوانی ئاماژەی بەوەش کرد کە بەهۆی بوونی قەرەباڵغییەکی زۆر لە بەڕێوەبەرایەتیی تاپۆ، ئەگەری هەیە پرۆسەی تاپۆکردنی زەوییەکانی بازەلان بۆ ماوەیەک دوا بکەوێت. هاوکات دڵنیایی دا کە نەخشەی تەواوی ئەو پارچە زەوییانە ڕاستەوخۆ دوای جەژن بڵاودەکرێتەوە.