پاڵەوانێتیی جامی جیهانیی ساڵی 2026 لە ویلایەتە یەکگرتووەکانی ئەمریکا، کەنەدا و مەکسیک، بووەتە جێگەی سەرنجی تەنیا وەرزش دۆستان نەک، بەڵکو ژمارەیەکی زۆر لە ئەستێرەکانی سینەمای هۆڵیوود و جیهان ڕوویان لە یاریگاکان کردووە و لە چالاکییە جۆراوجۆرەکاندا بەشدارن.
لە یاریی نێوان ئەمریکا و پاراگوای لە شاری لۆس ئەنجلس، ئامادەبوونی هونەرمەندان دیمەنێکی جیاوازی بە یاریگاکە بەخشی. لە نێو ئامادەبوواندا، ئەستێرەی ناودار هالی بێری لە ئێوارەخوانێکی تایبەتدا دەرکەوت کە لە لایەن بازرگان تۆد گرایڤس ڕێکخرابوو.
هەروەها جەیمی فۆکس لەگەڵ چەندین ناوی دیکە بەشداریی لەو کۆڕبەندە هونەری و وەرزشییەدا کرد بۆ ئەوەی ورەی یاریزانەکان بەرز بکەنەوە.
ئەم مۆندیاڵە لە ڕۆژانی سەرەتاییەوە ژینگەیەکی تایبەتی دروستکردووە کە تێیدا وەرزش و کات بەسەربردن تێکەڵ بوون.
لە ناوچە جیاوازەکانی یاریگاکەدا، چەندین ناوی گەورەی وەک تۆم کرووز، دەیڤید بێکام و هاوسەرەکەی ڤیکتۆریا بێکام، پاریس هێڵتن، سۆفیا فێرگارا، ئۆین ویڵسن و بێکی جی بینران.