بە ئەڵقەیەکی درێژ کە ماوەکەی دەگاتە ٧٢ خولەک، وەرزی سێیەمی زنجیرەی بەناوبانگی “House of the Dragon” دەست پێ دەکات و هاندەرانی دەگەڕێنێتەوە بۆ ناو جیهانی پڕ لە ململانێی “Game of Thrones”.
ئەڵقەی یەکەمی ئەم وەرزە نوێیە، بەرەبەیانی ڕۆژی دووشەممە (٢٢ی حوزەیران) لە ڕێگەی سەکۆ میدیاییەکانەوە نمایش کرا.
ئەم بەرهەمە بە بەشداری کۆمەڵێک ئەستێرەی دیار بەردەوامی بە ڕووداوەکانی دەدات، لەوانە: *ئێما دارسی، مات سمیت، ئۆلیڤیا کوک، ڕیس ئیڤانز، و فابیان فرانکل*.
وەرزی سێیەم چەندین کاراکتەری نوێ بەخۆیەوە دەبینێت کە ڕەوتی ڕووداوەکان دەگۆڕن، لەوانە تۆمی فلانگان لە ڕۆڵی (سێر ڕودریک داستن) و دان فۆگلەر لە ڕۆڵی (سێر تۆرین ماندەرلی).
لەسەر ئاستی ڕەخنەیی، ئەم وەرزە سەرەتایەکی ئێجگار بەهێزی تۆمارکرد؛ بەپێی نوێترین نوێکردنەوەکانی ماڵپەڕی بەناوبانگی “Rotten Tomatoes”، زنجیرەکە لە یەکەم هەڵسەنگاندنە بڵاوکراوەکانیدا ڕێژەی تەواوی 100%ی بەدەستهێنا، ئەمەش وەک دەستپێکێکی ناوازە و بێوێنە لە مێژووی کارە پەیوەندیدارەکانی ئەم جیهانە درامییەدا دادەنرێت.