بەڕێوەبەریی بازرگانیی دانەوێڵەی هەولێر ئاگادارییەکی بڵاوکردەوە و تێیدا جووتیارانی قەزای کۆیەی لە دەستپێکردنی پڕۆسەی بەبازاڕکردن و ڕادەستکردنی گەنمی ئەمساڵ ئاگادار کردەوە؛ نۆرەگرتنیش لەمەودوا تەنیا بە شێوازی ئەلیکترۆنی دەبێت.
جووتیاران دەتوانن لە ڕێگەی بەستەرێکی تایبەتەوە نۆرەی خۆیان تۆمار بکەن و ئەم پڕۆسەیەش تاوەکو ڕۆژی پێنجشەممە بەردەوام دەبێت؛ تۆمارکردنی پێشوەختە ناچارییە و بەبێ ئەو کارە بە هیچ شێوازێک گەنم وەرناگیرێت.
پێویستە زانیارییەکان بە تەواوی دروست بن، چونکە لە کاتی بوونی هەر هەڵەیەکدا، ڕێگە بە چوونەژوورەوەی بارهەڵگرەکان نادرێت؛ هاوکات لە کاتی دواکەوتن و ئامادەنەبوونی جووتیاراندا، سەرجەم نۆرەکانیان بە یەکجاری دەفەوتێت.