رێبوار حەمەلاو شوانى
رووداو و پێشهاتەکانى ناوچەکە پێمان دەڵێن کە ، له ماوه‌ی چه‌ند ساڵی رابردوو و بوونی ده‌یان ئاسته‌نگ و پیلان و لوغمی سیاسی و قه‌یرانی دروستكراو چ له سه‌ر ئاستی نێوخۆیی و ده‌ره‌كی ، به‌تایبه‌ت چ له سه‌ر ئاستی عێراق و وڵاتانی هه‌رێمی كه له دژی پارتی دیموكراتی كوردستان كه پارێزه‌ری قه‌واره‌ی هه‌رێمی كوردستان و پشتیوانی به‌هێزی حكوومه‌تی كوردستان بوو له‌لایه‌ن دوژمنان وناحه‌زانه‌وه رووبه‌رووی هێرش وپه‌ڵاماردانی زۆر بووه ، به‌ڵام خۆڕاگرانه و به‌هێز ئاسته‌نگه‌كانی تێكشكاند و كاروانی ئاوه‌دانی و گه‌شه‌سه‌ندنی كوردستانی به‌ره‌و پێشه‌وه برد ،
ده‌مهه‌وێت بڵێم ، ئه‌وانه‌ی كه له هه‌ڵبژاردنی ئه‌مجاره‌ی ٢٠ى ئۆکتۆبەرى ٢٠٢٤ چ له سه‌ر ئاستی كوردستان و عێراق و ناوچه‌كه‌ش كار و گره‌ویان له سه‌ر شكستپێهێنانی پارتی دیموكراتی كوردستان ده‌بینی و کە کۆڵەکەى سەرەکیی حکوومرانى و ئەزموونى هەرێمى کوردستانە ، بەڵام لە بیریان چوو بە هاوشوهوش و بانگەشەى هەرزەکارانە و چەواشەکارانە هەرگیز خەونەکانیان ناگاتە ئامانج ،چونکە لە رابردووش ئەوانەى بە ڕق ئەستووربوون لە رووى دەروونییەوە گڕییان بەرامبەر بە پارتى هەبوو ، ئەو خەونەشتان ناهەتەدى .
راستییەکی حاشاهەڵنەگر هەیە دەبێ هەموو گەلی کورد بزانێت ئەویش ئەم سەرکەوتنەی پارتی دیموکراتی کوردستان ،سەرکەوتنێکی ئاسایی نەبوو بەڵکو دەیان سەرکەوتن و شکۆمەندی لە خۆ دەگرێت ،
لە پاش خولی یەکەمی هەڵبژاردنی پەرلەمانی کوردستان لە ڕێکەوتی
۱۹/٥/۱۹۹۲ کە بۆ یەکەمینجار شەرعییەتی یاسایی و دەستووری رەوای گەلی کوردستانی ببەخشیە قەوارەی هەرێمی کوردستان،
بۆ یە هەڵبژاردنی خولی شەشەمی پەرلەمانی کوردستان لە رەوشێکی ناڵەبار کە بە سەر ناوچەکە و جهاندا گوزەر دەکات و هەموو ئەو فشار و پیلانگێریانەی کە چەند ساڵە بە هەموو شێوەیەک هەوڵی نەهێشتنی ئەم قەوارە و ئەزموونە ۳۲ ساڵەیە دەدرا
کە بەرهەمی خوێنی هەزاران شەهید و خەبات و قوربانیدانی پێشمەرگە و دڵسۆزانی ئەم گەل و نیشتیمانەیە،
ئەم هەڵبژاردن و سەرکەوتنە ستراتیژی بوون کە خۆی لەم چەند خاڵە گرنگانە دەبینێتەوە :
یەکەم،، ئەم سەرکەوتنە مەزنە لە هەڵبژاردنی خولی شەشەمی پەرلەمانی کوردستان
شکستی بە پیلانی نەهێشتنی قەوارەی هەرێمی کوردستان هێنا
دووەم،، شەرعییەتی یاسایی و دەستووری بە دەنگی رەهای گەلی کوردستان بەخشییەوە گشت دامودەزەگەکانی هەرێمی کوردستان
سێێەم ،، ئەم سەرکەوتنەی پارتی ،پێگەی سیاسی و دیپلۆماسی لە سەر ئاستی ناوچەکە ونێودەوڵەتی بەهێزتر کرد
چوارەم،،سەرکەوتنی هەڵبژاردن وادەکات پەیوەندی و دەرگەی هەرێمی کوردستان بەرەی وەڵاتانی لە ڕووی سیاسی و ئابووری و بازرگانی دەکاتەوە و کوردستانیش دەباتە قۆناغێکی گەشەسەندووتر
پێنجەم،، ئەم سەرکەوتنە کۆتایی بە هەموو ئەو خەون و هێرشە میدیا چەواشەکاریانە هێنا گوایە پارتی نایەوێت جگە لە خۆی سەرپەرشتیی ئەنجامی هەڵبژاردنەکان بکات
شەشەم.. ئەم سەرکەوتنەی پارتی ڕاستگۆی و پەرۆشی بۆ خاک و گەل و ئەزموونی کوردستان و بەرژەوەندییە باڵاکانی پێش هەموو بەرژەوەندییەکی تر پیشان دا
حەوتەم ،، سەرکەوتنی ئەم هەڵبژاردنە توانی هەموو بەستەڵەک و کۆسپە سیاسیی و قەیران دەستکردەکانی بەردەم هەرێمی کوردستان و پرۆسەی سیاسی بەرەو داهاتوویەکی پڕ هیوا لاببات.
هەشتەم..سەرکەوتنی پارتی و پێشەنگ مانەوەی و سەرکەوتنی گەورە نەک تەنها دەستکەوتی گرنگن بۆ خەڵکی کوردستان لە هەمانکاتیشدا وەڵامێکی گونجایش بوو بۆ نەیارانی پارتی و کوردستان کە خەونی سڕینەوە و ڕووخاندنی پارتی لە مێژە کۆتایی هاتووە و نایەتەدی
بۆیە،سەرکەوتنی پارتی لە هەڵبژاردنی ۲٠/۱٠/۲٠۲٤ پەرلەمانی کوردستان پەیامێکی ڕاشکاو بوو ،پەیوەندی و متمانەی پارتی وگەلی کوردستان ڕەگ و رییشەی قوڵی داکوتاوە و رۆژ بەرۆژیش پتەوتر دەبێت ،بە هیچ ڕەشەبایەکی نەیارانی کوردستان ناڵەرزێت و بەردەوام بەرەو سەرکەوتنی گەورە هەنگاو دەنێت.