دەنگۆی گەڕانەوەی ئه کریستیان بێڵ بۆ گێڕانی رۆڵی کارەکتەری برۆس وایەن واتە باتمان، ناوبەناو لە میدیاکاندا باسی لێوە دەکرێت.
ئەم هەواڵانە دوای ئەوە هاتن کە زانیاری لەبارەی ئەگەری بەرهەمهێنانی بەرهەمێکی نوێ لەسەر بنەمای جیهانی “Batman Beyond” بڵاوبووەوە، بەڵام تاوەکو ئێستا هیچ پشتڕاستکردنەوەیەکی فەرمی بەردەست نییە.
سەرەتای ئەم پێشبینییانە لە پۆدکاستی “Going to the Pictures” سەریهەڵدا، دواتر بە خێرایی لە تۆڕە کۆمەڵایەتییەکاندا بڵاوبووەوە. لەو ناوەندەدا هەواداران جەختیان لەوە کردەوە کە بینینی بێڵ لە تەمەنێکی بەساڵاچوودا، ئەزموونێکی تایبەت بە جیهانی سینەما دەبەخشێت.
کریستیان بێڵ پێشتر ئاماژەی بەوە کردبوو، گەڕانەوەی بۆ ئەم ڕۆڵە تەنیا مەڕجدارە بە ئامادەیی دەرهێنەر کریستۆفەر نۆلان و پێشکەشکردنی چیرۆکێکی شایستە. تاوەکو بڕیاری فەرمی لەلایەن کۆمپانیای بەرهەمهێنەرەوە نەدرێت، ئەم بابەتی گەڕانەوەیە بە بەردەوامی بە شێوەی پێشبینی دەمێنێتەوە.