دۆزینەوە شوێنەوارییە نوێیەکان لە میسر تیشک دەخەنە سەر تێکەڵاوبوونی کولتوورییە کۆنەکان لە سەردەمە جیاوازەکاندا. نێردەیەکی شوێنەواری لە ناوچەی ناوەڕاستی میسر گۆڕستانێکی سەدەی چواری زایینییان دۆزیوەتەوە کە دەقێکی ماتەمینی دەگمەن بە زمانی یۆنانی کۆن لەخۆدەگرێت.
وەزارەتی گەشتوگوزار و شوێنەوارەکانی میسر ڕایگەیاند، گۆڕستانەکە لە بەردی کلس دروستکراوە و شوێنەواری سەردەمی ڕۆمانی تێدایە.
بەپێی زانیارییەکان، گۆڕستانەکە بۆ هاوسەرێک ئامادەکراوە کە هاوسەرەکە ناوی بیسیختیس بووە و وەک دادوەر کاری کردووە. لە دیارترین ناوەڕۆکەکانی گۆڕستانەکە تابلۆیەکە هۆنراوەیەکی ماتەمینی بە زمانی یۆنانی کۆن تێدایە کە لە 19 دێڕ پێکهاتووە و سرابیۆن بۆ باوکی نووسیویەتی.
لە دێڕەکانی کۆتاییدا نزایەک دەردەکەوێت بۆ قبووڵکردنی نوێژەکان. توێژەران ئاماژەیان بۆ ئەوە کرد، دەقەکە نیشانەی ڕێزمانی یۆنانی تێدایە کە ئاستی بەرز نیشان دەدات.
هەروەها دەروازەی گۆڕستانەکە بە نەخشی هیرۆگلیفی پەیوەست بە پەڕتووکی ئامدوائت ڕازێنراوەتەوە. هەروەها لە ناوەوەدا دراوێکی دارایی دۆزراوەتەوە کە وێنەی ئیمپراتۆر قسنتنتینی لەسەرە کە لە نێوان ساڵانی 306 تا 337 زایینی فەرمانی کردووە.