ئەکتەرە دیارەکانی هۆڵیوود بەردەوام بەدوای ڕۆڵی نوێدا دەگەڕێن بۆ فراوانکردنی ئەزموونە هونەرییەکانیان لە سینەمادا. ئەکتەری ئەمریکی جێنیفەر لۆڕەنس گرێبەستی ئامادەکرد بۆ ڕۆڵگێڕان لە فیلمی نوێی خەیاڵی زانستی بە ناوی “The Flood” کە لەگەڵ دەرهێنەر زاک کریگەر کۆی دەکاتەوە.
کۆمپانیای بەرهەمهێنەر ڕایگەیاند، فیلمەکە لە 11ی ئاب 2028 لە هۆڵەکانی سینەما بڵاودەکرێتەوە و دەبێتە ئەزموونێکی نوێ بۆ ئەکتەرەکە. دەرهێنەر کریگەر ڕایگەیاند، لەو بڕوایەدایە ئامادەبوونی لۆڕەنس بەهایەکی گەورە بە پروژەکە دەبەخشێت چونکە توانایەکی بەرزی لە ڕۆڵگێڕاندا هەیە.
ئەم کارە نوێیە لە کاتێکدایە کە لۆڕەنس خشتەیەکی کاری زۆری هەیە و ئامادەکاری دەکات بۆ گەڕانەوە بۆ ڕۆڵی کاتنیس لە فیلمی “The Hunger Games: Sunrise on the Reaping” کە لە تشرینی دووەمی داهاتوو بڵاودەکرێتەوە.
هەروەها لۆڕەنس بەستراوەتەوە بە فیلمی “What Happens at Night” لەگەڵ مارتن سکۆرسێزی.