پەخشکردنی کورتە زنجیرەی “East of Eden” لە 1ی تشرینی یەکەم لەسەر پلاتفۆرمی نێتفلیکس دەستیپێکرد و توانی سەرنجی زۆری ڕەخنەگران بۆ خۆی ڕابکێشێت. ئەم بەرهەمە لە ڕۆمانی بەناوبانگی جۆن ستاینبێک لە ساڵی 1952 وەرگیراوە و لەلایەن زۆی کازان کاری ئامادەکردنی بۆ کراوە، لەگەڵ بەشداری دیاری ئەکتەر فلۆرنس پیو.
ئەم بەرهەمە پلەی 88% لە ماڵپەڕی “ڕاتن تۆماتۆز” و پلەی 8 لە 10 لە ماڵپەڕی “IMDb” بەدەستهێنا.
ڕەخنەگرانی ڕۆژنامەی ئیندپێندێنت و گاردین 4 ئەستێرەیان بەخشییە بەرهەمەکە.
بەپێی وتەی ڕەخنەگران، کارەکە ڕێز لە ڕۆحی ڕۆمانەکە دەگرێت و ئاستی نواندنی ئەکتەرەکان لە ئاستێکی زۆر بەرزدایە.
نیک هیڵتۆن ڕایگەیاند، زۆی کازان توانیویەتی بە شێوازێکی سەرکەوتووانە مامەڵە لەگەڵ ئاڵۆزییەکانی چیرۆکەکەدا بکات، ئەگەرچی هەندێک لایەنی هزریی قوڵی بە تەواوی نەپێکاوە.