ئەستێرەی ئەمریکی کاری کۆن ستایشی نواندنی گۆرانیبێژی جیهانی، تایلۆر سویفتی کرد بۆ کەسایەتی بیرسای ڕاسڵ کە لە زنجیرەی “The Gilded Age” پێشکەشی دەکات، دوای ئەوەی سویفت شێوازی قسەکردنی کەسایەتییەکەی هێنایەوە بیر لە کاتی دەرکەوتنی لە بەرنامەی “The Tonight Show Starring Jimmy Fallon” لە تشرینی یەکەمی 2025دا.
لە کاتی مێوانداریکردنی لە بەرنامەیەکی تەلەڤیزیۆنیدا، کۆن سەرسامی خۆی بۆ نواندنی سویفت دەربڕی، دوای ئەوەی پێشکەشکاری بەرنامەکە جیمی فالۆن ئەو بڕگەیەی نیشان دا کە تێیدا گۆرانیبێژەکە دەرکەوتبوو چاولێکردنی بۆ بیرسا دەکرد، و بە شێوازێکی گەڵتەجاڕانە لەبارەی باوەکانی پۆشاک و جلوبەرگ لە قۆناغێکدا قسەی دەکرد.
کۆن پەرچەکرداری هەبوو بۆ بڕگەکە بە چەپڵەلێدان، و جەختی کردەوە کە سویفت سەرکەوتوو بوو لە گرتنی شێوازی کەسایەتییەکە بە دروستی، و گوتی: “ئەمە زۆر باشە، ئەو بە تەواوی لە بیرسا دەچێت، ئەو ئافرەتێکی کارسازە بە سروشت”. زیادیشی کرد، بیرسا ئەگەر ئێستا بژیا با خۆی لە تایلۆر سویفت دەچوو، ڕەنگە بە بێبەشکردنی گۆرانیوتن.
لەبارەی ئەگەری بەشداریکردنی تایلۆر سویفت وەکو مێوانی شانازی لە زنجیرەکەدا، کۆن پێشوازی لە بیرۆکەکە کرد و ئاماژەی بۆ ئەوە کرد، تەماشای دەرکەوتنی گۆرانیبێژەکەی کردبوو لە ئاهەنگی دابەشکردنی خەڵاتەکانی ئیمی و ئەدای بەدڵ بوو و زیادی کرد، دەکرێت بێتە نەیارێکی نموونەیی بۆ کەسایەتییەکەی یان تەنانەت هاوڕێیەکی نێزیک کە یارمەتی بدات لە بەزاندنی کەسایەتی ئینید وینترتۆن.