دەرهێنەری ئەمریکی، کوینتین تارانتینۆ رایگەیاند، لە داهاتوودا کاری دەرهێنان بۆ دەیەمین فیلمی دەکات و دوای ئەوە لە کاری دەرهێنان دووردەکەوێتەوە.
ئەو دەرهێنەرە رایگەیاند، دەیەوێت منداڵەکانی گەورە بن و بتوانن لە شوێنی وێنەگرتنی دەیەمین فیلمی ئامادە بن، ئەوکات وێنەگرتنی دەیەمین فیلمی دەستپێدەکات.
گوتیشی دەیەوێت کوڕەکەی ببێتە شەش ساڵ، ئەوکات وێنەگرتنی فیلمەکەی دەستپێبکات، ئەمەش دەبێتە یادگارییەک بۆ تەواوی ژیانی.
ئەو دەرهێنەرە بەوە ناسراوە کە کاری دەرهێنان بۆ فیلمی زۆر ناکەت و لە ماوەی دوو دەیەدا تەنیا دوو فیلم بەرهەمدێنێت و فیلمەکانی بەوە ناسراون کە خوێناوین و پڕن لە تووندوتیژی.