فیلمی “Mission: Impossible” بە ناونیشانی “The Final Reckoning”، کە ئەستێرەی جیهانی تۆم کروز رۆڵی سەرەکی تێدا دەبینێت، لەدوای نمایشکردنی لە 23ـی ئایارەوە، سەرکەوتنێکی گەورەی لە بۆکس ئۆفیسدا بەدەستهێناوە و کۆی داهاتی گەیشتووەتە زیاتر لە 549 ملیۆن دۆلار لە سەرانسەری جیهاندا.
داهاتەکە دابەش بووە بەسەر نزیکەی 183 ملیۆن دۆلار لە ئەمریکا و زیاتر لە 366 ملیۆن دۆلار لە بازاڕەکانی دیکەی جیهاندا.
تۆم کروز بە فەرمی دووپاتی کردەوە کە ئەم بەشە، کە هەشتەمین بەشی زنجیرەکەیە، دوا بەشی زنجیرەکە دەبێت و بەمەش کۆتایی بە سەرکێشییەکانی “ئیسان هانت” دێت.
فیلمەکە لە 30ـی ئایاردا لە سینەماکانی چینیش نمایشکرا، سەرەڕای بوونی گرژییە بازرگانییەکانی نێوان هەردوو وڵات.