بەپێی نوێترین راپۆرتەکان، ئەکتەری دیار رایان رێینۆڵدز بە کارەکتەری “دێدپووڵ”ـەوە بەشداری لە فیلمی داهاتووی زنجیرەی مارڤڵ بە ناوی “Avengers: Doomsday” دەکات.
بڕیارە فیلمەکە لە ١٨ی کانوونی یەکەمی ٢٠٢٦ نمایش بکرێت و گەڕانەوەی ئەکتەری ناسراو، رۆبێرت داونی جوونیەر، بۆ جیهانی مارڤڵ لەخۆدەگرێت، بەڵام ئەمجارە لە رۆڵی کارەکتەری خراپەکار “دکتۆر دووم”دا.
فیلمەکە کۆمەڵێک ئەستێرەی گەورەی زنجیرەکە کۆدەکاتەوە، لەوانە کریس هێمسۆرس بە رۆڵی “سۆر” و ئانتۆنی ماکی وەک “کاپتن ئەمریکا”ی نوێ.
لەلایەکی دیکەوە، کریس ئیڤانز، کە پێشتر رۆڵی کاپتن ئەمریکای دەگێڕا، نیگەرانیی خۆی دەربڕیوە کە بەشداریی لەم فیلمەدا ناکات، چونکە چیرۆکی کارەکتەرەکەی لە فیلمی “Endgame”دا بە شێوەیەکی یەکلاکەرەوە کۆتایی هات کاتێک گەڕایەوە بۆ رابردوو بۆ ئەوەی ژیانێکی ئاسایی بژی.