د. سالار عوسمان، بەرپرسی بەشی ڕۆشنبیری و ڕاگەیاندنی پ.د.ک، بە مەبەستی هەواڵپرسین، لە دۆخی تەندروستی، پەیوەندی بە نووسەر و کۆمەڵناسی بەناوبانگ و دۆستی لەمێژینەی گەلی کورد ئیسماعیل بێشکچی دەپرسێت.
ڕۆژی شەممە ٢٩ـی ١١ـی ٢٠٢٥ د. سالار عوسمان، وێڕای ناردن و پێشکەشکردنی چەپکە گوڵی شیفا، لە دۆخی تەندروستیی مامۆستا ئیسماعیل بێشکچی پرسی، کە ماوەیەکە لە نەخۆشخانەیە و هیوای زوو چاکبوونەوە و تەمەندرێژی بۆ خواست.
بەرپرسی بەشی ڕۆشنبیری و ڕاگەیاندنی پ.د.ک، ئاماژەی بەوەدا؛ ئەو پەیوەندییە ڕۆحییەی لەنێوان بێشکچی و دۆزی ڕەوای خەڵکی کوردستاندا هەیە، پەیوەندییەکی مێژوویی و پڕ لە قوربانیدانە. ئەو کاتەی هەمووان بێدەنگ بوون، بێشکچی بە قەڵەمەکەی سنوورە دەستکردەکان و جیاوازییە نەتەوەییەکانی تێپەڕاند و، بووە دەنگی حەق بۆ گەلێکی مەزڵوم.
ئیسماعیل بێشکچی زانا و کۆمەڵناس و بیرمەندی گەورەی تورک، بە “زانا و دۆستە ڕاستگۆکەی کورد” دەناسرێت.