کۆمپانیای مارڤڵ دووەم تریلەری فیلمی (Avengers: Doomsday)ی بڵاوکردەوە، کە تێیدا جەخت لەسەر پەیوەندییە بە سۆزەکەی نێوان “سۆر” و کچە هەڵگیراوەکەی دەکرێتەوە.
تریلەرەکە کە بڕیارە فیلمەکەی لە دیسەمبەری 2026 بکەوێتە سینەماکانەوە، “سۆر” (کریس هێمسوۆرس) نیشان دەدات کاتێک داوا لە باوکی دەکات هێزی پێ ببەخشێت بۆ پاراستنی کچەکەی بە ناوی “لۆڤ”.
خاڵی سەرنجڕاکێش ئەوەیە کە ئیندیای کچی راستەقینەی کریس هێمسوۆرس، رۆڵی “لۆڤ” دەگێڕێت. ئەم کارەکتەرە کە لە فیلمی پێشووی سۆردا وەک کچی “گۆر” دەرکەوت، ئێستا وەک کچی سۆر و هاوەڵی لە سەرکێشییەکانیدا دەردەکەوێت.
فیلمەکە بە یەکێک لە پڕچاوەڕوانترین بەرهەمەکانی مارڤڵ دادەنرێت و وا بڕیارە گۆڕانکاریی گەورە لە جیهانی سینەمایی مارڤڵدا دروست بکات.