جۆرج کلوونی، ئەکتەری تەمەن 64 ساڵانی هۆڵیوود، لە نوێترین چاوپێکەوتنیدا لەگەڵ گۆڤاری (Variety) ئاشکرای کرد کە پێشتر پەیوەندییەکی نزیکی لەگەڵ دۆناڵد ترەمپ هەبووە.
کلوونی گوتی: “بە باشی دەمناسی، زۆر تەلەفۆنی بۆ دەکردم و تەنانەت هەوڵیدا یارمەتیم بدات کاتێک کێشەی پشتم هەبوو”، بەڵام کلوونی ئاماژەی بەوەش کرد کە ترەمپ گۆڕاوە و “ئەو کەسەی جاران نەماوە”.
لەلایەکی دیکەوە، حکومەتی فەرەنسا لە 27ی کانوونی یەکەمی رابردوو، رەگەزنامەی ئەو وڵاتەی بە جۆرج کلوونی، ئەمەل کلوونی هاوژینی و هەردوو منداڵە دووانەکەیان بەخشیوە.
خێزانی کلوونی ئێستا لە کێڵگەیەکی گەورە لە باشووری فەرەنسا دەژین کە رووبەرەکەی 100 دۆنمە. کلوونی دەڵێت حەز دەکات منداڵەکانی دوور لە ژینگەی هۆڵیوود و ئایپاد پەروەردە بکات و فێری کاری کێڵگە و بەرپرسیارێتییان بکات.