بەرپرسی بەشی ڕۆشنبیری و ڕاگەیاندنی پارتی دیموکراتی کوردستان سەردانی مەڵبەندی گشتیی یەکێتیی نووسەرانی کوردی کرد و رایگەیاند، دەرگای ئۆرگانەکانیان بۆ بڵاوکردنەوەی بەرهەمی نووسەران واڵایە.
ڕۆژی سێشەممە 6ـی کانوونی دووەمی 2026، د. سالار عوسمان، بەرپرسی بەشی ڕۆشنبیری و ڕاگەیاندنی پ.د.ک بە یاوەری شاندێکی بەشەکەی، سەردانی مەڵبەندی گشتیی یەکێتیی نووسەرانی کوردی کرد و لەلایەن سەرۆک و ئەندامانی یەکێتییەکە پێشوازییان لێکرا.
لە دیدارەکەدا باس لە دۆخی نووسەران و ئەو گرفت و ئاستەنگانە کرا کە دێنە ڕێی کارەکانی مەڵبەندی گشتی. د. سالار عوسمان ستایشی ڕۆڵ و هەڵوێستی نووسەرانی کوردی کرد لە مێژوودا و پشتیوانیی بەشی ڕۆشنبیری و ڕاگەیاندنی پارتی بۆ دووپات کردنەوە.
هەروەها ئاماژەی بەوە کرد، ئۆرگانەکانی ڕاگەیاندنیان ئامادەن بۆ بڵاوکردنەوەی بەرهەمی نووسەران و ڕێزگرتن لە ماندووبوونیان.