هۆکاری مردنی ئیریک داین ئاشکرا کرا

ئەکتەری ناسراو ئێریک داین لە تەمەنی 53 ساڵیدا ماڵئاوایی لە ژیان و هونەر کرد. بەپێی ئەو زانیارییانەی بڵاوکراونەتەوە، هۆکاری سەرەکی گیانلەدەستدانی ئەم ئەکتەرە پەککەوتنی کۆئەندامی هەناسەدان بووە کە بەهۆی کاریگەرییەکانی نەخۆشی دەمارەکان دروستبووە.

داین کە یەکێک بوو لە ئەکتەرە دیارەکان، هاوسەرەکەی (ڕێبیکا گایهارت) و دوو کچی بەناوەکانی بیڵی و جۆرجیا بەجێهێشتووە.

دوای بڵاوبوونەوەی هەواڵەکە، ئەستێرە و هاوکارانی لە زنجیرە درامای بەناوبانگی “Grey’s Anatomy” خەمباری قووڵی خۆیان دەربڕی. شۆندا ڕایمس، دروستکەری زنجیرەکە، و کریستا ڤێرنۆف، بەرهەمهێنەری جێبەجێکار، لە پەیامی جیاوازدا ستایشی کارەکانی داینیان کرد و وەک ئەکتەرێکی بەهرەمەند و مرۆڤێکی میهرەبان وەسفیان کرد.

نەخۆشی دەمارەکان “ALS ” کە نەخۆشییەکی دەگمەن و سەختە، لە ساڵانی کۆتایی تەمەنیدا کاریگەری زۆری لەسەر تەندروستی داین هەبوو، و کۆچی دوایی ئەو کەلێنێکی گەورەی لە جیهانی دراما پزیشکییەکاندا دروست کرد.