ئەستێرەی جیهانی پۆپ، تایلۆر سویفت، جارێکی دیکە بووەوە بە باسی گەرمی میدیاکان، دوای ئەوەی لە رێوڕيسمی دابەشکردنی خەڵاتەکانی (iHeartRadio Music) بە شێوەیەکی سەرنجڕاکێش دەرکەوت. سویفت لەو رێوڕەسمەدا خەڵاتی “باشترین ئەلبوومی پۆپ”ی بۆ ئەلبوومە نوێیەکەی بە ناوی (The Life of a Showgirl) بردەوە.
سویفت لە کاتی وەرگرتنی خەڵاتەکەیدا، وتارێکی کاریگەری پێشکەش کرد و تێیدا سوپاسی بێپایانی هاندەرانی کرد. ئەو جەختی لەوە کردەوە کە ئەو هێز و بەختەوەرییەی لەسەر تەختی شانۆ هەستی پێ دەکات، هەمووی سەرچاوەکەی ئەو پەیوەندییە بەهێزەیە کە لەگەڵ جەماوەرەکەیدا هەیەتی.
لایەنێکی دیکەی سەرنجڕاکێشی ئەو شەوە، ئامادەبوونی “ترافیس کێڵسی” دەستگیرانی بوو لە تەنیشتی، کە سویفت وەک پاڵپشتێکی گەورەی ژیانی تایبەتی و هونەریی خۆی وەسفی کرد و گوتی: “ترافیس وای کردووە هەموو ڕۆژێک هەست بە ئازادی و ئارامییەکی دەروونی زۆر بکەم.”
ئامادەبووان کاتێکی خۆشیان بەسەر برد کاتێک تایلۆر و ترافیس پێکەوە بەدەم ئاوازی گۆرانییەکی هونەرمەند (RAYE) سەمایان دەکرد.
سویفت هەروەها ستایشی تواناکانی (RAYE)ـی کرد و ڕێزی خۆی بۆ داهێنانەکانی نیشان دا.
لە کۆتایی قسەکانیدا، تایلۆر بەڵێنی بە هەوادارانی دا کە بەردەوام بێت لە پێشکەشکردنی باشترینەکان و گوتی کە ئەم گەشتە هونەرییە بەبێ پشتگیری ئەوان بەردەوام نەدەبوو.