لەندەن یادی 50 ساڵەی خەڵاتەکانی ئۆلیڤیێی بۆ ساڵی 2026 کردەوە، تێیدا دیارترین کارە شانۆییەکانی وەرزی 2025-2026 لە هۆڵی رۆیاڵ ئالبێرت هۆڵ خەڵات کران.
شانۆگەریی موزیکاڵی “Paddington The Musical” توانی 7 خەڵاتی سەرەکی بباتەوە، لە نێویاندا خەڵاتی باشترین کارە موزیکاڵییە نوێیەکان.
لە بەشی نواندنی درامیدا، خانمە ئەکتەر رۆزاموند پایک خەڵاتی باشترین ئەکتەری بردەوە، رایتشل زیگلەریش وەک باشترین ئەکتەری شانۆی موزیکاڵ دەستنیشان کرا.
لێژنەی سەرپەرشتیار ئاماژەیان بەوە کرد، ئەم خولەی خەڵاتەکان ئاستێکی بەرزی هونەری بەخۆیەوە بینیوە. هەروەها خانمە هونەرمەند ئیلین پێیج خەڵاتی دەستکەوتی تەمەنی پێ بەخشرا، نامەیەکی پیرۆزبایی تایبەتی شاژنیشی پێ گەیشت.
ئەم فێستیڤاڵە سەلماندی، شانۆی لەندەن بەردەوام وەک ناوەندێکی سەرەکی هونەری جیهانی دەمێنێتەوە. شانۆگەریی “Punch” وەک باشترین دەقی نوێ خەڵات کرا، “All My Sons”یش خەڵاتی باشترین دووبارە نمایشکردنەوەی کلاسیکی بردەوە.