هونەرمەندی مەغریبی، سەعد لمجەرەد، سەرنجی بەکارهێنەرانی تۆڕە کۆمەڵایەتییەکانی بەلای خۆیدا ڕاکێشا دوای ئاشکراکردنی زانیاری لەبارەی نوێترین بەرهەمی هونەری خۆی بە ناوی “القمر ديالي” (مانگی من)، تێیدا لە کارێکی دوێتدا لەگەڵ هونەرمەندی لوبنانی، محەممەد فەزڵ شاکر کۆدەبێتەوە و بڕیارە لە ٤ی حوزەیرانی ٢٠٢٦ بە فەرمی بڵاوبکرێتەوە.
سەعد لمجەرەد لە ڕێگەی هەژماری فەرمی خۆی لە تۆڕی کۆمەڵایەتی ئینستاگرام کورتە ڤیدیۆیەکی پرۆمۆی کارە چاوەڕوانکراوەکەی بڵاوکردەوە، تێیدا کاتی بڵاوکردنەوە و ناوەڕۆکی گۆرانییەکەی دیاریکرد؛ ئەمەش یەکەم هاوکاری هونەری هاوبەشە لە نێوان ئەو و محەممەد شاکردا.
هونەرمەندە مەغریبییەکە لەگەڵ بڵاوکردنەوەی ڤیدیۆکەدا، پەیامێکی هاوپێچ کردووە و تێیدا پەرۆشی خۆی بۆ ئەم گۆرانییە دەربڕیوە. ئەو جەختی لەوە کردووەتەوە، ئەم بەرهەمە بە خۆشەویستییەکی گەورە و هەوڵێکی هاوبەش جێبەجێ کراوە، و ئێستا کاتی ئەوە هاتووە لەگەڵ جەماوەردا هاوبەشی بکەن.
تێکست و ئاوازی گۆرانی “القمر ديالي” لەلایەن شاعیر و ئاوازدانەری یەمەنی، جومانا جەمال، نووسراوە و داڕێژراوە، و هونەرمەندی لوبنانی، حوسام سەعبی، ئەرکی دابەشکردنی موزیکی بەرهەمەکەی گرتووەتە ئەستۆ.