دوای ئەوە هاوکاریی دارایی هاوپەیمانان خرایە سەر هەژماری وەزارەتی پێشمەرگە، بڕیارە ڕۆژی سەرەتای هەفتەی داهاتوو هاوکارییەکە بەسەر هێزەکانی پێشمەرگە دابەش بکرێت.
ئەمڕۆ چوارشەممە، 4/11/2024، وەزارەتی پێشمەرگە بڵاوی کردەوە: “دوای ئەوەی هاوکاریی هێزەکانی هاوپەیمانان بۆ هێزی پێشمەرگە خرایە سەر هەژماری وەزارەتی پێشمەرگە، بەڕێوەبەرایەتی گشتیی بودجە و بەرنامەکان (ژمێریاری سەربازی)، ڕێکارە دارایی و ژمێریارییەکانی ئەنجام داون.”
ئەوەش خراوەتە روو: “بۆ ئەم مەبەستە، ڕۆژی یەکشەممە 8ی کانوونی یەکەمی 2024، هاوکاری مانگی 11ی2024 دابەش دەکرێت.”