هەنگوین یەکێکە لە خواردنە زۆر کۆنەکان سوودێکی تەندروستی زۆری هەیە، چارەسەری پەتای وەرزی دەکات، دژەهەوکردنە و دەتوانرێت بۆ شیرینکردنی خواردنەکان لەجێی شەکر بەکاربهێنرێت.
لەگەڵ ئەوەی هەنگوین سوودێکی تەندروستی زۆری هەیە بەڵام لەم کاتانەدا زیانی تەندروستی لێدەکەوێتەوە:
-زیادەڕەویکردن لە خواردنی هەنگویندا دەبێتە هۆی ئازاری زۆری گەدە و ڕیخۆڵەکان لە ئەنجامیشدا دەبێتە هۆی سکچوون، بۆیە پێویستە لە دوو کەوچک زیاتر بەکارنەهێنرێت.
-ئەگەری هەیە هەنگوین هۆکارێکی سەرەکی توشبوون بە هەستیاری بێت، ئەو کەسانەی هەستیاریان هەیە پێویستە بە ئاگاداریەوە بەکاریبهێنن ئەگەر بزانن هەستیارییەکان خراپتر دەبێت پێویستە لێی دووربکەونەوە.
-هەنگوین دەبێتە هۆی دابەزینی پەستانی خوێن، ئەو کەسانەی بەردەوام پەستانی خوێنیان نزمە دەبێت هەنگوین بەڕێژەیەکی زۆر کەم بخۆن.
-دەوڵەمەندە بە کاربۆهیدراتەکان بۆیە پێویستە توشبووانی شەکرە بە ئاگادارییەوە بەکاریبهێنن.